New Delhi, Naitung 26: U myntri iada ri ka sorkar pdeng u Rajnath Singh u la ong ba ki nongshong jong ka Ri India ki wat kilat ki lynti kiba ha rukom ban hiar tham ia ka ri, hynrei ki shipai jong ka ri ki long kiba la kreh ban ia khun pyrshah ia kita baroh.
U myntri iada ri ka kren ia kane ha jingkynmaw burom kaba 27th Kargil Vijay Diwas, ka jingjop ka ri ia ka tham Kargil ha u snem 1999, ha katei ka snem ki shipai jong ka ri kila pyni ia ka jingshlur bad ka jingieng tylli kawei kum ka ri.
U myntri iada ri u ai ka jingshaniah ha ki shipai jong ka ri bad yn nym don ba nud bad peitpoh ia ki, ka jingshlur jong ki bad ka jinglong kiba la peitngor bha bad kaei kaba ki leh ka long khlem ka jingtieng ne jingsyier.
Ha kajuh ka por u myntri iaida ri u la ong ba haba ki rakhe ia ka jingjop iaka thma Kargil, hynrei dei ban kynmaw ruh ba ki jingeh ki jingeh kiba don ha khmat jong ki, dei na kane ka daw ba kane ka sorkar kaba la ialam da u myntri rangbah duh u Narendra Modi ki ban jur ia ka jingbha jong ki shipai bad ban pynbiang ia ki tiar ialeh katkum kane ka juk mynta.
U myntri iada ri u ai ka jingkhublei ba ki shipai jong ka ti ki long kiba kloi ban tip ia ki tiar ialeh kiba katkum kane ka juk kaba mynta, la ong, “kane ka dei ka ri jong ngi, ka lawei ka jong ngi, dei na kane ngi kwah ban bit ban biang na lade bad ki shipai kin long kiba tbit tam ha ka pyrthei”.
Ha kane ka sngi la pyni paidbah ia ki Dron, ki tiar siat kiba katkum kane ka juk kaba mynta bad ia ki jingkilanmet ki shipai ha kaba la skhi lang u Lieutenant Governor of Ladakh Shri Vinai Kumar Saxena, u khlieh ki shipai khyndew u Dhiraj Seth, General Officer Commanding-in-Chief, Northern Command Lieutenant General Pratik Sharma, bad kiwei kiwei ki heh shipai.
