New Delhi, Naitung 26: Ka tnad syntiat ia ki kam khaii tuh ka Directorate of Revenue Intelligence (DRI) kala pynlong ia ka jingkhynra ha ki jaka ba bun ha kylleng ki bynta jong ka Ri India ban thwet ia ki nongkhaii ksiar beain.
Ha kane ka jingkhynra la ioh kurup 27 kilo ka ksair bad la ioh ban kem 12ngut ki briew kiba la suba ba ki don kti ha kane ka kam khaii beain, ka ksair baroh kaba la ioh ban kurup ki dei na bar jong ka ri.
Ka ophis jong ka DRI Mumbai kala ioh ia ka jingtip kaba bniah bha haka 23 bad 24 Naitung 2026 don briew ba wan da ka lieng suin na Addis Ababa la buh rieh bhai ka ksiar ha sad jong ka liengsuin ha kaba la ioh ban kurup 12 kilo da ka jingiarap ki nongtrei liengsuin.
Ha ka 23/7/2026 la ioh ban bat kawei ka kyntthei kaba la leit da ka Brahmaputra Mail ha Uttar Pradesh na kane la ioh ban kurup 12 tylli ki biskit bad kane kala kot sha ka 5 kilo bad ia kine ki ksiar la wan na Bangladesh ban shallan sha India, la kurup ia ka ksiar bad la kem ia ka kynthei.
Na Mumbai laioh ban kurup biang 3.7 kilo ka ksiar bala buh rien ha ka bthing ha kane ka jingjia san ngut ki briew ka kem ia ki bad ha ka 19 bad 20 Naitung 2026 la ioh ban kurup 4.6 kilo ka ksiar na Kolkatta kiba la thep ha ki khiew shat ja bad la ioh ban kem ia ki nongkhaii drok kiba la wan rah na Myanmar ruh kum juh.
Katba na Guwahati la ioh ban kurup 2 kilo ka ksiar ia kane ka ksiar la ioh ban kurup na u wei briew ba dang wan a Dubai bala buhrieh ha kali ki briew ong ka DRI kila kem ia kine ki briew ruh kum juh,ka jingbteng ban khynra ia ki nongkhaii beain ka dang iaidbteng.
