Shillong, Naitung 29: Mynta ka sngi u myntri rangbah ka jylla u Conrad K Sangma ha ka jingialang ha Tura u la sam ia ki skhim na ki nongioh kiba dei na ka Chief Minister’s Special Development Fund ha kajingialang kaba la long ha iing sah jong u ha Tura.
Haba kren ha kane ka jingialang u myntri rangbah ka jylla u la ong ba ka CMDSF la bei pisa lyngba ka mang tyngka na ka Chief Minister’s Secretariat, ia kane ka pisa la mang kyrpang ban iarap ia ki jingkyrshan kiba rit tang ba kiba pynmyntoi ia ki paidbah.
Ka sorkar Meghalaya kala ialeh ban wanrah bun jaid ki skhim pynroi ha baroh ki konstitwnsi ha ka jylla wat la kam lah ban long katkum ka jingkwah hynrei ka jingpyrshang ka long ban pynpoi sha man ki dang ki jaka la ka long ha Garo Hills ne Khasi Hills ruh kum juh.
Nalor kane ka skhim CMDSF ki don ki skhim lyngba ki tnad sorkar kiba poi sha ki paidbah bad ka sorkar ka kwah ban sam sha baroh ia kane ka skhim khlem da leh shiliang ia kano kano ka jaka bad ka thain hapoh ka jingmang tyngka.
Ka sorkar ka bud ia ki kyndon ban pynlait ia kane ka pisa dei na kane ka daw ba ka pisa ka leit lyngba ka ophis jong ki Deputy Commissioner, kane ka jingialang ka long ban pyntip sha ki paidbah ba kino ki jaka kiba ioh ia ki skhim na kane ka skhim, ka ophis jong Chief Minister’s Secretariat ki trei shitom ban pynlong ia kane ka skhim kaba jop ha ka jingai jingkyrshan.
