Shillong, Naitung 29: U Superintendent ki pulit ka Ri-Bhoi Distrik la iathuh ba la ioh jingtip na u rangbah shnong jong ka Umiam ba la don kawei ka metiap bym shym la ithuh kaba la thiah lyngktar ha nala kaba don ha MIDC kaba don hajan ka Rapsang Mill bad haba la kylli shym la don ba ithuh ia katei ka metiap.
Hadien ba la pyndep baroh ki jingdonkam, kynthup iaka eksamin post mortem, ia katei ka metiap, la rah noh sha Civil Hospital Mortuary, Nongpoh na ka bynta ka jingpyn ithuh bad kiwei kiwei kiba iadei bad kane.
Ha kaba iadei bad kane, la dep phah da ka khubor ban pyn saphriang ia kane ka jingtip shaphang baroh ki thanad ki pulit, outpost, AD kamp bad ki PIC ha kylleng ka ri India na ka bynta ban ithuh ia u nongiap.
Uba iap la suba ba u lah ban dei u bar jylla katkum ka jingsuba na ka eksamin post mortem da u heh ophisar ba eksamin bad lada don mano mano ba ithuh ne don jingtip shaphang jong u nongiap, kin sngewbha ban pyntip sha ka Police Control Room (PCR) Nongpoh : Mobile. Number – +91 6909300160, Umiam Police Station: +91 6909300147.
