Shillong, Naitung 31: Ha ka kyrwoh ba phah ki nongialam ka JSU Sha ki lad pathai khubor hadien ba ki nongialam ka JNC naduh u President, General secretary bad Publicity secretary ki shah kem ha ka Lynti ban leit sha jaka public hearing ki iaid da kata ka Lynti ba jai jai hynrei ka sorkar ka thom da ka bor kane ka pyni ba ka sorkar ka synshar donbor.
Na kata ka daw ka JSU sengkmie ka pynrem jur ia ka jingleh riew khlaw ka ne ka sorkar NPP, kumno phin pynneh ia ka shongsuk shongsaiñ haba phi sdang na lade ban thombor ia u paitbah da ka ba siat tiar gas bad phi pynkheiñ ruh ia ka aiñ ba phi tih ia ki thliew ban khang ia u surok paitbah kane ka paw shai ba kam dei ka public hearing ka dei ka private hearing jong ka sorkar MDA2.
Ka JSU ka pynrem ia ka jingkren u symbut myntri rangbah ka jylla u bah Prestone Tynsong namar ia lade u shong ha ophis ym tip ia kaei kaba ki pulit ki leh la kynnoh ka JSU kum ka seng kam lah ban pdiang ia kane ka jingleh ha ka imlang sahlang.
Ka JSU ka kynnoh ba kane ka dei ka jingleh donbor kane ka sorkar kaba la ialam da u Conrad ia kaba kim lah ban pdiang namar ia kaei kaba la jia la pynshisha lyngba ki dur khih kiba la ioh ban rung da ki riew paidbah ong ki nongialam ka JSU, ki dkhot ka seng kila poi sha Lum Sohmat hynrei kim shym la shah ia ki ban ia shim bynta.
