Tura, Rymphang 11: Ki pulit jong ka jylla Meghalaya mynta kila pynthikna ba ha kane ka jylla kala mih sa kawei ka seng lehnoh ia kaba la tip kyrteng kum ka United People’s Revolutionary Alliance (UPRA).
Ia kane la pynthikna da ki pulit jong ka jylla ha dien ka jingshah ther kuli jong ka kali u Project Director jong ka DRDA ha South Garo Hills. Kane ka kali kala shah siat hynrei ki briew kiba don ha kane ka kali kila lait na ka jingmynsaw.
Ha kine ki ar sngi kiba la dep na ka liang jong ki pulit ki la ioh ban khynra ia ka kdew jong kawei ka kynhun seng lehnoh ha Rongdotchi bad na kane ka jaka la lap ia ki jingthoh kiba la paw kyrteng kum ka United People’s Revolutionary Alliance (UPRA).
Kane ka seng lehnoh ka dei ka kynhun kaba la lum lang ia kiwei ki seng lehnoh bad la ai da kawei ka kyrteng kane ka seng lehnoh kaba thymmai ka kynthup ia ki dkhot jong ka seng, A’chik National Volunteers Council (ANVC-B), A’chik National Liberation Army (ANLA) and United A’chik Liberation Army (UALA).
Na ka liang jong ki pulit ki kynnoh ba kane ka seng lehnoh thymmai ka dei ka jingleh bad ka jingpynmih na ka seng ANVC(B) la kynnoh.ia kane ka kynhun la suit la shor ha ka 5 tarik jong u bnai kyllalyngkot jong u snem 2013.
Na ka liang jong ki pulit ka jylla kila ong ba ka kynhun CrPF kin poi la shai ka sngi ha Garo Hills ban iarap ia ki pulit jong ka jylla ban ia khun pyrshah ia ki kam lehnoh ha ki lum Garo khamtam eh ha ki thain Nongalbibra. Kawei ka kynhun kan sah ha Williamnagar.(SP News)
