Shillong, Nailar 20: Mynta ka sngi u Rev Pastor R.G. Laloo u la pynbna paidbah ba la plie pyrda ia ka jingrakhe kaba shisnem lynter ia ka jingshakri paidbah ka seng Khasi Jaintia Welfare Association ha ka jingialang plie kaba la long mynta ka sngi 20/Nailar/2026 ha iing dorbar ka shnong Mission Compound Shillong.
Haba kren ha kane ka jingialang kum u kongsan u Rev. R.G Laloo u la ong ba ia ka seng KJWA la sdang ha u snem 1977 tang hadien san snem ba la ioh ia la ka jong ka jylla ba pura, kane ka seng ka dei ka seng treimon sngewbha.
Ka jingthmu jong ka seng ka long ban pynmih ia ka mynsiem ban shakri bad ban don ia ka jingkitkhlieh ia ka jingim bad ki nongseng kiba nyngkong ki kynthup ia ki rangbah bad ki riew kynthei kiba paw khmat jong katto ka por.
Haba peit ia ka jingtreikam jong ka seng kaba kila sdang ha kato ka por, hynrei ka jingtrei kam ka dang ia hap tara bha bad kane ka juk kaba mynta namar ka KJWA kala buh ha khmat ban pynsngewthuh ia ka pule ka puthi lyngba ki jinghikai ki bapher bapher kiba ka seng kala ai.
Ha kane ka sngi na ka liang jong u pastor u la buh ha khmat jong ka seng ia ka jingtrei kam nangne ha khmat ba kan phai khmat sha ki khun samla bad ki khynnah namar kine ki samla kane ka juk mynta ki im ha ka jingduh jingkyrmen, kane ka dei ka bynta kaba kongsan kaba kum ka seng ka dei ban leh ym tang ka KJWA hynrei da baroh kiba don ha ki kynhun bapher bapher.
Ha kane ka jingplie pyrda ia ka jingsdang ban rakhe ia ka jingdap 50 snem jong ka seng la phiah haki ar bynta, ia ka bynta ba nyngkong ka long ban plie ia ka jingrakhe bad ka bynta kaba ar ka long ka jingiamir jingmut, ia ka jingkren pdiang sngewbha la kren da u Dr. D.K.B Mukhim bad ka jingkren ai khublei da u Dr. A.W Rani, ha ka jingiadon lang ki riew rangbah bad ki long kmie.
