Shillong, Nailar 20: Ki pulit jong ka nongbah Shillong mynta ka sngi 20/Nailar/2026 kila leit rah ia ki lai ngut ki nongialam ka Khasi Student Union sha ka iingbishar ka District Session Judge bad ka iingbishar kala phah baroh lai ngut sha Judicial Custody na ka bynta 14 sngi.
Ki lai ngut ki nongialam ka KSU kiba la shah kem na ka ophis kaba don ha Jaiaw Pdeng ki kynthup ia u President u samla Raymond Kharjana, Vice President u samla pynskhemlang Sanmiet bad u General Secretary u samla Reuben Najiar.
Ka Jingkem jong ki pulit ia kine ki nongialam ka KSU ka long halor ki huri hura kiba la mih na ka jingiaid paidbah kaba la pynlong da ka seng ha ka 19/Nailar/2026 ia kaba la tip kum ka Peace Rally hynrei kala mih ka huri hura hapdeng kane ka jingiaid paidbah.
Na ka liang ki nongialam ka KSU kila pynshai paidbah ba la leh da mano re mano ban pynthoh bria ia ka seng hynrei na ka liang ki bor jong ka ain kila leit sha ophis ka KSU bad kem ia kitei ki nongialam namar ki jingjia kiba la jia ha ka por iaid paidbah ba la pynlong da ka seng.
Na ka liang ki pulit kila pyntikna ba baroh ki kali ba la shah pynjulor ki don 31 tylli bad kawei kala shah wiang ding ha ki briew ki bym lah ban ithuh kane ka jingjia kala wanrah ia ka jingshong syier ha kane ka nongbah Shillong.
