Shillong, Nailur 04: Wat hapdeng jong ka jingjur jong u slap ki paidbah kila iashim bynta ha ka jingiamareh 5th Sohra International Half Marathon 2026, ha ki lai bynta jong ka jingiamareh 21k, 10k bad 5k.
Ka jingiamareh ha ka 21k bad 10k ka don ka khusnam iaki nongjop katba ka 5k, ka dei kaba ki paidbah ki wan ban iashim bynta ban iamareh sngewbha. Mynta u snem ruh kila don ki nongmareh kiba la wan na kiwei ki ri jong ka pyrthei, ki nongiamareh na ka Ri India bad kiba bun ki dei na la ka jong ka jylla.
Ka jingjur jong u slap kam shym la pynpjah iaka jingthrang ki riew ieid ialehkai ban iashim bynta ha kane ka jingiamareh, iaka 21k la sdang ha Laitsohpliah, iaka 10k la sdang na Wah Kaba bad iaka 5k la sdang na Nongsawlia bad baroh la pynkut ha Mawsmai.
Mynta u snem ka Meghalaya State Olympic Association kala ai iaki medal sha baroh ki nongiashim bynta kiba lah ban pynpoi ha kane ka jingiamareh haduh ba kut ha Mawsmai. Mynta u snem na ka liang ki nongpyniaid, kila registar tang 11000 ngut kiba iashim bynta ha kane ka jingiamareh.
Iaka lama ban plie ia kane ka jingiamareh la kaweh da u Myntri ialehkai ka sorkar jylla, u bah Wailadmiki Shylla ha ka jing iadon lang u MLA ka Sohra, u bah Gavin Miguel Mylliem ha ka jingiadon lang ryngkat ki nongpyniaid ia kane ka jingiamareh.
