Shillong, Nailur 08: Ka Seng Khasi Student’s Union ka East Jaintia Hills District mynta ka sngi 08/ Nailur/2026 kala ujor da ka ejahar pyrshah ia u Deputy Commissioner, U Superintendent ki Pulit ka East Jaintia Hills District bad ia ki ophisar ka Meghalaya State Pollution Control Board ha Crime Branch Police Station Shillong.
Ia kane ka ehjahar la soi da u samla Chibaitlang Rymbai Organising Secretary Shawari Ryngkhlem Sport Secretary bad u Emmon Chynrmang Education Secretary,Ia kane ka ejahar kaba la wan ai mynta ka sngi ha Crime Branch Police Station la synran lang da ki nongshong shnong ka Shnongrim.
U samla Streamly N. Suchen u president ka KSU East Jaintia Hills District haba kren ha ki lat pathai khubor u la ong ba ki paidbah nongshong shnong napoh ka Elaka Nongkhlieh kila wan ban ujor ia ka ejahar ha kaba iadei bad ka jingpynsngap Paidbah kaba la long ha ka 30/Naitung/2026.
Ha katei ka sngi kumba la iatip paidbah kala don ka jingshah kawang maw bad ka jingtih ia ka surok hynrei na ka liang jong ka sorkar haduh mynta kam shym la leh eiei dei halor kane kila wan khnang sha kane ka Crime Branch Police Station Shillong ban buh ia kane ka ejahar. Ka jingujor ka long pyrshah ia kito ki briew kiba don kti ha katei ka kam.
U samla K.S Suchiang General Secretary ka East Jaintia Hills District u la ong ba kine kiba la wan ki dei ki nongshong shnong ka Shnongrim ka Elaka Nongkhlieh, ka jingbuh ia ka jingujor ka long ba naduh ka 30/Naitung/2026 bad 31/Naitung/2026 kaba ki thmu ban leit ia shim bynta ka jingpynsngap paidbah ka Shree Cement ha Lum Syrman hynrei ha ka miet 30 tarik hi kila shah khang lynti.
U General Secretary u la ong ba ynda ki poi ha ka shnong Umpleng kila shah khang lynti bad shah Kawan lyer pynsat khmat bad kila shah kawan maw bad kala mih ka huri hura, ka jingkylli kaba ki buh ka long balei ka sorkar kam shym la kem ia kito kiba donkti lada dei ki pulit ne ki riew paidbah kiba kawang maw ha ka step 30 tarik ha kaba bun tylli ki kali ki la julor.
