Ampati, Nailur 08: Ka Block-Level Chief Minister’s Youth Engagement Programme 2026 kaba la pynlong ha Zikzak Multi-Facility Centre (MFC) Building hynnin ka sngi kala ai kyrteng da ka “Young Meghalaya, Shaping Tomorrow.”
Ia katei ka prokram kaba la pyniaid da ka District Sports Office, South West Garo Hills, Ampati, la don ki katto katne ki samla na kylleng Zikzak C&RD Block bad la ai iaki da ka rynsan ba kin iashim bynta, iadei kam, pyni la ki sap jong ki bad ban wad iaki lad ban nang san ialade bad ban pynroi iaka shnong ka thaw.
Kane ka prokram ka don ia bun ki jingpyni jinghikai kaba thmu ban pynshlur iaki nongialam, ki sap ki phong, ka jingiatreilang, jingiashim bynta bad ka mynsiem jong ka jingiakop kaba khlain hapdeng ki samla.
Kana ka jingthmu ka long kum shi bynta jong ka prokram ki samla ba la pynlong da u Myntri Rangbah, kaba pynlong iaki samla ka jylla Meghalaya ba kin ioh ka lad ka kabu ban pynpaw la ki sap jong ki, pynneh pynsah iaka jingioh jinghikai jong ki bad noh synniang sha ki kam pynroi jong ka jylla.
