Shillong, Nailur 08: Mynta ka sngi 08/ Nailur/2026 ka seng samla pule ka Khasi Student Union kala leit ban ia kren bad ka sorkar halor ki san tylli ki mat jingdawa kiba ka seng kala dep ban buh ha khmat, kane ka jingialang ka long ka jingbteng ia kaei kaba kila dep ban ia kren.
Ha kane ka jingiakren ia ka sorkar la lam khmat da u Chief Secretary ka jylla u Dr. Shakil P. Ahammed, IAS, la don lang u bah Fredric Roy Kharkongngor Principal Secretary bad na ka KSU la lam khmat da u bah Wamlambokstarwell Marngar president barim, u bah Donal V Thabah General secretary ba rim u samla Pynshailang Rani Assistant General Secretary bad kiwei ki dkhot kila ia don lang.
Haba kren ha ki lat pathai khubor u bah Donal V Thabah general secretary barim ka seng KSU, la ong bai a kane ka jingialang kaba mynta ka sngi la khot da ka sorkar jylla bad kane ka long ban ia bud dien ia kaei kaba kila dep ban ia kren ha ka jingialang kaba la dep bad u myntri rangbah ka jylla ha ka jingdon lang u symbut myntri rangbah ka jylla.
Ha kane ka jingialang mynta ka sngi la don u Chief Secretary bad kiwei ki heh sorkar, ha kane kila ia kren kaei kaba ka sorkar kala leh halor ki san tylli ki mat jingdawa kaba ka KSU kala dep ban buh ha khmat ka sorkar.
Ha kane ka jingiakren mynta ka sngi ka long ba u Deputy Commissioner, u Superintdent ki Pulit bad kiwei ki heh sorkar ka East Jiantia Hills kim dei ban don bynta ei ei bad ka “Facr Finding Committee” ne kata ka ka kynhun tohkit kaba lait luid, hynrei ha ka jingthoh la ong ba u DC bad SP kin don ka bynta kaba khraw ha kane ka jingtohkit ia kaba kila ujor bad ia kane kila mynjur bad la iathuh ba la de ban thung ia ka kynhun tohkit.
Haba ia dei bad ka jingpyntrei kam ia ka MRSSA la ong ba ha ka taiew ba khatduh duh jong u Risaw ne taiew ba nynkong u bnai Nohprah ki khyndrop talasi mynder ne ka jingdon ki District Task Force kin sa sdang treikam noh khamtam ha Umling bad Ratacherra. Ka KSU kala ujor ruh ia ka jingresgiter online bad la ong ba dei ban leh daki bor shnong.
Haba ia dei bad ka jingpyntreikam ia ka Meghalaya Residence Safety of Migrants Workers Act haba ia dei bad kane la shai ka sngi ka sorkar kan ai jinghikai ia ki ophisar ba kumno ban pyntrei kamia kane ka ain bad ka dei ban don ka kuna ia kiba pynkhien ia ki kontrator ne ki nongbylla ruh kum juh bad la ong ba kila buh ha ka rules bad ia kane kin pyntip.
Haba ia dei bad ka MPSC, ki DSC bad kiwei ki kynhun thung kam la iathuh ba ha kaba ia dei bad ka Grade D kan nym don shuh kano kano ka interview, haba ia dei bad ka NEIGRHIMS ka KSU kala ong ba lada ym pat pyntrei kam ia kaei kaba ka KSU ka dawa ym dei ban thung ia ka Governing Council ha katei ka jaka sumar ka sorkar.
