Shillong, Nailur 17: Mynta ka sngi 17/Nailur/2026 ka All Meghalaya Master Roll Progressive Workers Union (AMMRPWU) kala wengnoh iala de na ka Joint Action Committee (JAC) bad nangne sha khmat bad ki kam kiba ia dei bad ki Master roll kin pyntyllum noh da ka union kaba kila ioh ia ka kynhun treikam kaba thymmai ha ka 4/Nailur/2026.
Haba kren ha ki lat pathai khubor ha Shillong Press Club u bah Nazarious K Lanong President ka seng u la ai khublei ia ku myntri rangbah ka jylla u Conrad K Sangma u ba la sngap ia ki mat jingdawa jong ki kum juh ruh ia ki heh sorkar baroh kiba don ha ki tnad sorkar bapher bapher.
Kum ka seng ka ai khublei ia ka JAC kaba kila ia pyntyllun ia ki kam ha kine ki por kiba la leit ha kaba kila wat ki lat ki lynti ba kumno ban ia kren bad ka sorkar, ka JAC la pynlong da ka jingdon ka All Meghalaya Master Roll Progressive Workers Union bad ka All Jaintia Master Roll Union kila ia shnoh lang bad pynmih ia ka JAC.
Na ka liang ka seng ka ai khublei ia u shongknor ka All Jaintia Master Roll Union u bah Khroo L Pariat bad ia baroh ki dkhot jong ka JAC bad ka jingkhublei ka long ia baroh ki shnat treikam jong ka seng kiba don ha kylleng jong ki District.
Dei ka jingtrei shitom ka jong ki kaba kila pdiang ha kaba ki leit ban pynlong ia ki jingialang na kawei ka District sha kawei ka district ha kaba ki la lah ban pynurlong bad pynsawa sha ka sorkar ia ki mat jingdawa kaba kila ioh.
