Shillong, Nailur 29: Mynta ka sngi 29/Nailur/2026 u President ka party BJP Meghalaya State Unit u Rickman G. Momin ha ka jingiadon lang u bah Sanbor Shullai MLA bad minister ka party kila pdiang burom ia u bah Draison Kharshiing u MLA barim ka Nartiang konstitwensi bad MDC bala pyniasoh ialade mynta ka sngi sha ka party BJP lem bad ki nongbud jong u palat spah ngut.
Haba kren ha ki lat pathai khubor hadien ba la pdiang burom ia u bah Draison Kharshiing sha ka party u la ong ba kine ki nongbud jong u kila wan ban pyniasoh ki dei na ki bynta bapher bapher jong ka Jaintia Hills baroh kawei ha kaba ki nongialam ka party kila pdiang sngewbha ia baroh sha ka BJP ha ophis jong ka party.
U bah Sanbor u la ong ba ha kine ki khyndiat bnai jong ka jinglong myntri jong u ba dei peit ia ki riti ki dustur u la leit kylleng haba don ki jingleh burom ban pynneh pynsah ia ki tynrai namar ba u la shah khot ban long kum u kongsan, ha kane ka jingleit u la ia kynduh ia shibun ki riew rangbah bad ha ka jingiakren kila pynpaw ba ki kloi ban pyniasoh sha ka party namar kila sngewthuh bad kim ngeit shuh ia ka jing pynsngewthuh bakla jong kiwei ki seng sain pyrthei.
Ka jingkren ba ka party BJP ka long pyrshah ia ki khristan ,ka party BJP kan nym shah ban bam doh masi kine ki long tang ki jingkren ban ialam bakla ia ki paidbah da kiwei pat ki seng sain pyrthei shuwa ka elekshon hynrei hadien ka elekshon baroh ki seng sain pyrthei ki wan ban iatrei lang bad ka BJP namar ki tip ban ioh ia ka jingmyntoi namar ki tip ba ka BJP ka don ha ka bor synshar ha Delhi.
