Shillong, Nailur, 29: U Superintendent of Police East Khasi Hills, Shillong, Meghalaya, u bah Vivek Syiem, IPS, mynta ka sngi kata ka 29/Nailur/2026 bad u la pyntip ba ka iing bishar kala rai pynrem ia u Pyntngenlang Nongsiej hapoh ka POCSA Act ban set phatok 20 snem lynter.
Haba ia dei bad kane ka mukoduma ka long ba ha ka 16/Lber/2020, u la iohpdiang iaka ejahar ha thanad jong ka Lumdiengjri ha kaba u bah Pyntngenlang Nongsiej u la jrong kti pyrshah ia u khynnah rit ba la don 7 snem ka rta.
Kumta, la dep ban registar da ka ejahar ha Lumdiengjri P.S Case No. 35(3)2020 u/s 4/8 POCSO Act. Ia katei ka jingujor ejahar, la dep ban tohkit bad la kem noh ia u bah Pyntngenlang Nongsiej. Hadien ba la dep ka jingtohkit, u ophisar ba tohkit u la ujor da ka Charge Sheet vide CS No. 06/2022 ha ka 28/Kyllalyngkot/2022 hapoh ka ain 7/8 POCSO Act.
Katba ha ka 16/Nailur/2026, ka nongbishar jong ka iing kashari, ka kong R. Rymbai, MHJS, Spl. Judge (POCSO), East Khasi Hills, katkum ka hukum, kala pynngat ia utei u runar, u bah Pyntngenlang Nongsiej da ka Spl. (POCSO) Case No. 21 jong u snem 2022 ha kaba la dep registar da ka ejahar ha thanad ha Lumdiengjri Case No. 35(3)2020 u/s 4/8 POCSO Act.
La ong ruh ba ia utei u runar, la set phatok haduh 20 snem lem bad ka jingshah dain kuna haduh T. 10,000/- na ka bynta ka u/s 6 jong ka POCSO Act bad haba um lah ban siew ia katei ka kuna, yn set phatok ia u sa hynriew snem. Katba utei u runar u la dep shah set byndi haduh 9 bnai bad saw sngi, kumta u dei ban shah set phatok ban pyndep iaka por kaba dang sah. Ia katei ka mukotduma, la tohkit da u Rtd. UBSI S.A. Sangma.
