Shillong, Risaw, 06: Ka skul bah ha ka nongbah Shillong, ka North-Eastern Hill University, kala dep pynlong iaka tamasa shaphang ka jingim ba iadei bad ka suinbneng kaba la ai kyrteng ka “ka tamasa shaphang ka jingim ba iadei bad ka suinbneng: ha kaba ki wah, ki khlaw, ki lum, ki duriaw bad ki duriaw bah ki don!” Ia katei ka tamasa, la pynlong ha kanr ka skul bah ha North-Eastern Hill University (NEHU), Shillong, naduh ka 5 haduh ka 9 tarik Risaw 2026, ha Multi-Use Convention Hall, NEHU.
Ia katei ka tamasa, la pyniaid da ka Azim Premji University, Bengaluru, ha ka jingiatreilang kaba kham jan jong ka tnad Geography, NEHU. Ia kane ka tamasa kaba la pynwan dur kum ka rynsan na ka bynta jong ki samla, ka pynlong ruh ban pynshai shaphang ka saian mariang ha ka rukom kaba sngewtynnad bad ba sngewthuh, ryngkat ka jingpynpaw iaka jingbunjait bad ka jingriewspah ki pynthor mariang ka ri India.
Kane ka tamasa ka wanrah lang iaka rukom dro jongdro, kolshor bad ka saian khnang ban pyni iaka jingiadei bad iajan hapdeng ka jingkylla ka suinbneng, ka mei mariang bad ka lad kamai ja kpoh u briew. Ki nongwan ha katei ka tamasa ki ioh ban iakren bad ki samla pule, ka jingiashim bynta bad ka jingiakren bad ki riewshemphang, ka ai ka lad ban tip shaphang ka jingiadei bad ka mariang lyngba bun jait ki jingai jingmut.
Ia katei ka prokram ba neh san sngi ka pyni iaka jingiaid kai ha ka mariang bad u nongialam, ka jingpyni iaki phlim shaphang ka mariang bad ka drama halor ka kolshor, ha kaba kane ka rynsan ka iarap iaki samla pule ba kin pyni la ki sap jong ki, ka don ka jingpyniasoh iaki nonghikai bad ki paidbah ban peit bad kren halor ki kam mariang bad ka jingkylla ka suinbneng.
Haba kren shaphang ka jingiashim bynta jong ki samla ha kane ka tamasa, u Prof. P. K. Ryngnga, Head, Department of Geography, NEHU, u la ban jur halor ka jingiashim bynta lang ki samla kiba long kita ki samla ba iashim bynta shit rhem ha kaban tip bad trei shitom ban iada iaka mariang.
Kaba bud ia katei ka prokram ha NEHU, katei ka tamasa kan sa bteng iaka jingiaid lynti jong ka ban pynlong sa sha kiwei pat ki jaka ha kylleng kane ka thain lam mihngi bad ki katto katne ki jaka jong ka Ri India, kaba long ruh kum ka jingai jinghikai halor ka suinbneng, ka ai iaka khubor halor ka jingshai halor ka jingkylla ka suinbneng, ka jingsumar mariang bad ka jingkitkhlieh ban iada iaka mariang.
Ka skul bah North Eastern Hill University ka neh ban kular ban pyniar iaka jingtip shaphang ka mariang, ka jingiashem bad jingialap ha ki rukom pule kiba bun rukom bad ka jingiajan kaba donkam jong ki samla ban tei iaka lawei kaba iaineh bad kaba lah ban ialeh pyrshah iaki jingkylla ka suinbneng.
