Shillong, Risaw 06: U Myntri Rangbah ka jylla u Conrad K. Sangma mynta ka sngi 06/Risaw/2026 u la kren da kaba shai ba kam shym don kano kano ka jingiakren ban bujli myntri ha kane ka sorkar MDA II kane ka jingkren u myntri rangbah ka long hadien ba ki phra ngut ki MLA kila phet noh na ka UDP bad leit ban pyniasoh sha ka BJP.
U Myntri rangbah u la ong kam don kano kano ka jingsyier ia ka sorkar MDA namar ka jingdon ki MLA hapoh ka MDA ki neh kumjuh lait noh tang ka jingkylla ha ka jingdon ki MLA ha ka party kiba don ha MDA,u myntri rangbah u la kren shai ba tang ka NPP marwei kaba ialam ia ka sorkar ka don 33 ngut ki MLA.
U Myntri rangbah u la ong haba don kano kano ka jingeh ka sorkar ka don ka jingngeit ba haba don kano kano ka kynrum kynram kaba kongsan eh ka long ban iashong ban ia kren la ka dei ka KSU ne kino kino ki kynhun ruh kumjuh bad kane ym dei kaba ki shu kren tang da ka ktien hynrei kila pyni ruh ha ki por kiba la dep ha kaba ki mih ki jingjia bad haba ki don ki sakhi satar kiba lah ban bishar lada dei iano iano ruh ym lah ban shu ai lad ba kin shim ia ka ain ha ka kti.
Haba iadei bad ka jingthaw ia ka Committee ka ban peit haba iadei bad ka jingkyntu tulop ia ki nongtrei sorkar kaba dei ka 6th Pay Commission ka sorkar kala pynkhreh bad lehse ha kine ki ar lai taiew kin sa lah ban pynbna ia ka Committee ha kaba iadei bad kane ka jingpynkiew tulop ia ki nongtrei sorkar ka sorkar kala dep ban iaken ha kaba iadei bad u shongknor bad ki dkhot jong ka 6th Pay Commission.
