Shillong, Risaw 09: Mynta ka sngi ka 9/ Risaw/2026 u Deputy Commissioner ka District Ri Bhoi u Dr Abhishek Saini ryngkat bad u bah Mayralborn Syiem u MLA ka Nongpoh Konstitwensi la khot ia ka jingialang ha ka jingdon lang ki briew jong ka NHIDCL bad ki nongkit kam ka Town Committee.
Hadien ba la wai ka jingialang naka liang u MLA haba kren sha ki lad pathai khubor u la batai iaki mat jingiakren ka long ia ki jingkieng iaid kjat ha Ri Bhoi District na shiliang sha shiliang jong ka GS Road lem bad kiwei kiwei ki mat kiba hap ha ka Nongpoh Town Committee.
Ha kane ka jingialang ki nongkit kam jong ka Nongpoh Town Committee kila pynsngew ia ki jingdon kam hakhmat u MLA bad u DC jong ka Ri Bhoi District ia ki jingdon kam ha katei ka nongbah jong ka Ri Bhoi District.
Ha kane ka jingialang la ioh ban iakren sani bha halor ki 7 tylli ki jingkieng iaid kjat ha ka surok bah bad na ki hynniew tylli ar tylli la pyntrei kawei ha Umling bad kawei ha Umsning Bypass, kawei ha Mawlein Mawkhan kiba hap hapoh ka Ri Bhoi District.
Ha kane ka jingialang la ia kren ban buh khambun iaki street light namar mynta ki street light ki don naduh na Shangbangla bad ki kut tang hajan mawdiangum bad yn dang bteng shaduh sha mawtnum kaba hap hapoh ka Nongpoh Town committee.
U Bah Mayralborn Syiem u la batai ruh ba la iakren ruh halor ka surok kiban iaid na rud ka surok bah ba kan dang naduh na Umlyngkdait bad ka kut tang ha mawdiangum bad yn dang bteng shaduh sha Saiden lane hajan mawtnum .
