Shillong, Nohprah, 06: Mynta ka sngi u P. Bakshi, IAS, ba dei u Commissioner bad Secretary sha ka sorkar Meghalaya jong ka Food Civil Supplies bad Consumer Affairs Department u la pyntip ba u Lat ka jylla Meghalaya u la thung thymmai ia u nongbishar ka Meghalaya High Court u bah Wanlura Diengdoh kum ka President jong ka Meghalaya State Consumer Disputes Redressal Commission.
Ka jingthung ka long na ka bynta saw snem haduh ka rta kaba 67 katba jia kham hashwa bad ka hok ban ioh iaki tulop bad ki jingsiew katkum ka Rule 4 jong ka Meghalaya State Consumer Protection.
Ka tulop, ki jinglut jingsep bad katkum ka por trei jong ka President bad ki dkhot jong ka State Commission bad ka District Commission Rules, 2021 naduh ka tarik ba la buh jong ka jingbat iaka kam.
