Shillong,Naiwieng 06: Ka Joint Action Committee kaba pyrshah ia ka jingshna ia ka Ropeway mynta ka sngi 06/Naiwieng/2026 kala sdang ia ka jingiakhih shong kyllain mungor da kaba rah ia ki plakard kiba don ia ka jingthoh ban pynpaw ia ka jingpyrshah bad dawa ba ka sorkar ka dei ban pyndam noh ia ka jingshna.
Kawei na ki longkmie kala ong ba kane ka jingleh ka long ba kila khein ia ki tang ki nong tong um hynrei khlem um da ei yn shet ja kila kren diaw ruh ba imat ki dei tang ki kynthei hynrei mynta kala dei ka por ba kin ieng namar ba kila shah khein troin ha ki dorbar shnong, dorbar raij khamtam ia ki longkmie.
Kala buh ka jingkylli balei ba phah ia ki pulit bad kala kynnoh ba ka dei ka jingialeh sop sop namar ki don ha ka bor bad ki pat ki bym don ha ka bor bad kumba ka long ka Laban ka dei ka jaka kaba shong suk shong sain bad kaba pynkhih mynta dei na ka um.
Kane ka jingiakhih shong kyllain mungor kat haduh ba thoh ia kane ka khubor ka dang iai bteng ha khmat ka dur mot u Kiang Nangbah ha kaba kila shna ia ki dara ba kin bteng ia kane ka jingiakhih khlem da buh por bad kawei na ki longkmie kala da pynlong ruh da ka duwai phirat ha kane ka jingiakhih.
