Shillong, Naiwieng 17: Ia ka 16/Naiwieng ka sorkar India kala ithuh ia kane ka sngi kum ka National Press Day bad man u la u snem ka Press Council of India ka buh ia ka phang pdeng ban ia kren bad mynta u snem ka long hato ka kam nongthoh khubor ka dei tang ban paw ne kaba don ia ka jingkit khlieh.
Mynta u snem ka Shillong Press Club, ka Meghalaya Editors and Publishers Association da ka jingkyrshan ka tnad pathai khubor ka sorkar jylla la pynlong ia kane ka sngi rakhe bunrom iaka National Press Day ha Shillong Club.
Ha kane ka sngi u myntri rangbah ka jylla u Conrad K Sangma u la long u kongsan, haba kren ha kane ka sngi u la ong ba, ka dei ka kamram jong ki nongthoh khubor ban wat ia ki jingshisha bad ka sorkar kam don ei ei ban ong haba ki kynyhoh ia ki jingtrei kam lada ki dei kiba dei.
U la ong ba ha kane ka juk jong ka jingkylla da ka jingmih ki kor ki bor, kum ki nongthoh khubor ki hap ban ia beh sha kata ka thong, hynrei ki dei ban pyniapher ia lade kum nongthoh khubor na ki Social Media, kum ki nongthoh khubor kiba don ia ka bor ban wat bniah ki dei ban da tip ia ki jingshisha.
Haba ia dei bad ki nongthoh khubor la ong ba ka sorkar ka ialeh katba lah ban iarap haba shah ka lynti hynrei ban ong ba kin lah ha ka juh ka po ria baroh ki jingdon kam ka sorkar kan nymlah hynrei kan pyrshang ban leh kawei ha dien kawei.
Ha kane ka sngi u myntri ba dei peit ia ka tnad pathai khubor u bah Lahkmen Rymbui la ong b akum ki nongthoh khubor ki dei ban don ia ka jingkitkhlieh ym ban shu ia bud ia kaei kaba leh kiwei.




