Iakhih ki nonghikai KJDSTA kiba dei ha Ri Bhoi District ha madan Pahamsyiem

Shillong, Naiwieng 17: Ka jingsngap mynthi ka sorkar jylla halor ka jingdawa jong ki Nonghikai halor ki 5 tylli ki mat mynta ka sngi 17/Naiwieng/2026 ka Khasi Jaintia Deficit School Teacher’s Association jong ka Ri Bhoi District kala pynlong da ka jingshong kyllain mungor ha madan NSCA Mini Stadium Pahamsyiem.

Ha kane ka jingshong kyllain mungor la ia shim bynta da ki nonghikai skul kiba don hapoh ka shatri jong ka Khasi Jaintia Deficit School Teacher’s Association jong ka Ri Bhoi District bad na ka liang ki nonghikai kila pynsngew sha ka sorkar jylla ba kan sngap ia ka jingdawa jong ki halor ki 5 tylli mat.

Ha kane ka jingshong kyllain mungor la wan ban ia shim bynta lang da u bah Mathew Makdoh kum u riew paidbah halor ka jing sngewkhia ia ka jingdawa jong ki nonghikai.

Haba ai jingkren na ka liang u bah Multon Lyngdoh Nonglait u la ong ba ka jingkren jong u Symbud myntri rangbah ka jylla u bah Prestone Tynsong ia ki nonghikai ba ki dei ki Kruiñ bad ki dei ki sohpyut bad na ka liang ki nonghikai kim lah ban pdiang ia ka jingkren jong u bad u la buh ruh da ka jing kylli sha u symbud myntri rangbah ka  Jylla u bah Prestone Tynsong ba u ong, hato kine ki sohpyut kiba la bam Kruiñ kin mih mo ki soh ba bha? bad shuh shuh u la ong ba na ka kti jong ki sohpyut bad kiba bam Kruiñ kila mih shibun ki ophisar, ki Engineer, ki IAS bad kiwei ,kiwei kiba don ha ki kyrdan ki bapher bapher.

Bad u la ong ruh ba lashai ka sngi kan don ka jingialang bad ka sorkar Jylla lada ka sorkar kam pynurlong ia ki 5tylli ki mat jingdawa jong ka Association na ka liang ka Association kan nang pynjur shuh shuh ia ka jingiakhih ha baroh ka jylla Meghalaya.

What Next?

Recent Articles

Leave a Reply

Submit Comment

*