Shillong, Rymphang 28: ka tand District Council Affair (DCA) mynta ka sngi ka la phah ia ka jingpyntip sha u Lat jong ka jylla ha kaba ia dei bad ka jingpynlong ia ka election sha ki ar tylli ki District Council ha KHADC bad JHADC.
U Commissioner bad secretary jong ka tand DCA u Bah J Lyngdoh u la iathuh ha u SP News Agency ba na ka liang jong ka sorkar kala phah ia ka jingthoh sha ka sorkar na ka bynta ban ioh ia ka jingmynjur jong u lat ka jylla ha kaba ia dei bad ka jingpynsmai ia ki MDC kiba thymmai.
Ha dien ba ki MDC kila dep ban shim ia ka jingsmai yn sa khot ia ka jingiashong dorbar kaba nyngkong ban jied ia u Chairman jong ka iing dorbar bad kin sa jied ia u CEM jong ka iing dorbar ban thaw ia ka Executive Committee ban pyniaid ia ki kam jong ka District Council.(SP News)
