Jowai, Lber 30: Ka Jaiñtia Youth Federation (JYF-EJH) East jaintia hills hapoh kajingialam u President samla Niwasly Rymbai bad u General secretary Johnson.Pala ha ryngkat ki member jong ka Seng ki la leit ia kynduh ia u DC ka East Jaintia Hills ban aiti ia ka dorkhas ha u, ba dei ban pynkynriah noh ia ka jaka bret niut jong ka Town Committee East jaintia hills kaba don tang kumba shiteng kilometer na office u DC bad ruh ka don ha jan u surok by pass ba leit sha ka shnong Ladrymbai, Rymbai, Dienshynrum bad Khliehriat.
Da ki phew tylli ki shnong ba iaid lyngba kane ka surok sha ka office jong u Deputy Commissioner ka East Jaintia Hills na ka bynta ki kam bapher bapher jong bad ki nong shong shnong ba marjan kane ka thain ki la ud la nam ia ka ne ka jingsma iwtung kaba lah ban ktah ia ka jingkoit jingkhiah jong ki briew ba leit ba wan lyngba kane ka surok.
Ki paidbah nong shong shnong jong ka ne ka thain haba ki iaid lyngba une ki kren bynniaw da kaba ong ba imat ki sahep ba dei peit ia ka ne ka bynta kim donpor shuh ban peit ne pyrkhat ia ka koit ka khiah jong ki briew wat la ka dei tang ha lyndet ka office jong u DC-EJH.
Ka seng kaba juh peit ia ka bha ka miat jong ka thian hi baroh kawei kam lah ban shah ia kine ki jingsma iwtung ki ban long ka jingma ia ka koit ka khiah ki para doh para snam, ka dawa na u DC da ka jingthoh ban pynkynriah noh ia kane ka jaka bret niut sha kawei pat jaka kiba jngai na ki shnong ki thaw ban lait na ki pang ba sma iwtung khnang ba
yn lah ban pynkylla dur shuh shuh ia ka ne ka District Thymmai kaba khuid ba suba ong u samla Niwasly Rymbai President ka JYF-EJH.(SP News)
