Shillong, jymmang, 15: Ka seng samla pule ka Khasi Student Union (KSU) mynta ka sngi ka la pynlong ia ka Genenral Executive Committee (GEC) ha kaba baroh ki shnat jong ka seng kila ia poi sha kane ka jingialang ban ia kren halor ka inner Line Permit kawei na ki mat jingdawa kaba katei ka seng kala ieng mynta la palat phew snem.
Ha dien ka jingiakynduh lang u bah Daniel Khyriem President haba kren ha ki nongthoh khubor u la ong ba ka seng ka kwah ban pynshai sha ki paidbah ba ka seng kam pat ran dien na ka jingdawa jogn ka seng ia ka ILP ha kane ka jylla.
Ha kane ka jingiakynduhlang mynta ka sngi ka seng baroh kawei kala shim ia ka rai ban kyrshan ia ka jingdawa jong ki ar tylli ki District ka West Khasi Hill bad ka South west Khasi Hill district ban pyrshah halor ka jingthmu ka sorkar ban buh ia ka ktem lehnoh ANVC-B ha ki tei ki district.
Bad la iamir jingmut ruh ha kaba iadei bad ki jaka kiba don hapoh khappud jong ka jylla Assam bad ka Jylla Meghalaya ba ka sorkar ka dei ban pynkhlain ia ka jingpahara ka hike ki jaka, bun ha kine ki jaka khappud ki long kiba dkhoh haduh katta katta ka jingpahara bad la iathuh ruh da ki nongialam KSU jong kane ka thain ba ki pulit jong Assam kid a leh tohmet ia ki briew kiba shan gba sah hakane ka thain kumta la kyrpad ia ak sorkar ba kan pynkhlain ia ka jingpahara ha kine ki thain khappud la ong bah Danial.(SP News)
