Shillong, Iaiong 01: Mynta ka sngi palat ia ka 500 ngut ki briew jong ka thain Pynthorumkhrah ki la leit ban register ia lade ban ioh ia ka skhim Universal Health Insurance Scheme (UHIS). Kane ka long ka jingsdang ban pyntrei kam ia katei ka skhim ha din ba u myntri rangbah ka jylla u Dr Mukul Sangma u la plié paidbah ha Polo ha u snem ba la dep.
Haba kren ha kane ka sngi kum u Kongsan u myntri ba dei peit ia ka tnad ka koit ka khiah u Bah AL Hek u la ong ba kane ka skhim long na ka bynta jong ki paidbah jong kane ka jylla baroh kawei bad kane ka jingsdang na Pynthorumkhrah, ka jaka kaba u myntri u mih khmat.
Katkum kane ka skhim ka long ba ki briew kilah ban ioh ia ka jingiarap lyngba kane ka Insurance ban siew ia ka bai hospital jong ki haduh T.90000 tyngka bad lada ki jingshitom ki long kiba la kham eh kan long haduh T.160 lak tyngka.(SP News)
