Shillong, Jymmang 09: Ka seng Meghalaya Peoples Human Rights Council (MPHRC) ka dawa na ka sorkar ba ka dei ban thung ia ka jingtohkit ha kaba ia dei bad ka jingong ba u Roi Simpli u la pyniap ia lade hapoh phatok ha khliehriat police station.
Kat kum ba ka paw na ka liang jong ki pulit ki la ong ba u Roi u la pyniap ia lade da kaba sdien phasi da kaba the da ka sopti jong u hapoh phatok. Lada ka long ha kane ka rukom ka paw ba ki pulit kim shym la lah ban iada ia u briew na ka jingleh ka jong u.
Lada kane ka jingjia ka long ba u briew u pyniap ialade kane ka dei na ka daw jong ka jingbym kit khia ka jong ki pulit ban trei ia la ka kam, ka sorkar ka dei ban pynshitom ia kito ki briew kiba don ha ka kam. Katkum ka rai ka long ba hap iap u ne ka briew ha poh phatok ka dei ban don ka jingtohkit.(SP News)
