New Delhi Jymmang 14: U myntri ba dei peit ia ka tnad Information & Broadcasting jong ka sorkar pdeng u Manish Tewari mynta ka sngi u la plie ia ka multi-media kawei na ki rukom pynphriang ia ki kam pynroi ha ka Ri India ia kaba ka sorkar ka ka leh.
Ia kane ka jingleh ban pynbna ia ki kam pynroi jong ka sorkar pdeng la ai kyrteng da ka “Glimpses of the India Story” ka phang pdeng jong kane ka long ba kumno ka sorkar ka ialeh ban wanrah ia ka roi ka par lyngba ki ain ha kine ki khyndai snem kiba la leit noh.
Ia kane ka jingpynkhriang khubor jong ka sorkar yn sa pynipaidbah lyngba ki lad pathai khubor kiba pher bapher kiba katkum kane ka juk kaba mynta kane ka long ban pynshlu ia k paidbah ba kinia don bynta lang ha ki kam pynroi.
Kane kan pyni ia ki kam kiba ka sorkar ka leh ha ki kam pynroi ha ka liang ka pule puthi, ka koit ka khiah, ka jingkyntiew ia ka roi ka par ha ki nongkyndong bad kumno ka sorkar ka ialeh ban wanrah ia ki jingdon kam jong ki paidbah kiba man ka sngi. Kane ka pyni ba ka ri ka la kiew ha kiba bun ki liang.
Na ka liang jong ka sorkar ka long ruh kaba la kreh ban ialeh pyrshah ia ki jingeh kiba ap ha khmat na ka bynta ka ri. Ia kane ka multi media yn sa pynkylla ha ki 11 tylli ki jaid ktien jong ka Ri India. (SP News)
