Shillong, Jymmang 15: U myntri ka tnad ka koit ka khiah u bah AL Hek mynta ka sngi u la plie ia ka jingpyndonburom kaba shi snem lynter ia ka jingdap 25 snem jong ka Mawpat Presbyterian Secondary School.
Ha ka jingkren jong u myntri kum u kongsan ha kane ka sngi u la ong ba ka jingnang jingstad ka dei kaba spah bah kaba ki kmie ki kpa ki lah ban ai na ka bynta la ki jong ki khun. Na ka liang jong u myntri u la ai khublei kyrpang ia ki nongpyniaid jong kane ka skul kiba la lah ban pynlong kumba ka long mynta.
Na ka liang jong u myntri u la kyntu ia ki khynnah jong kane ka skul ba ki dei ban minot ha ka jingpule ka jng ki bad ki dei ban don ia ka thong ban kiew sha jrong ha ki liang baroh bad ban leh ia kata dei tang da ka jingminot ym da kawei pat.
Kiwei kiba la ia don lang ha kane ka sngi ki long u Bah Embhah Syiemlieh MLA bad MDC, u Bah W S Challam District School bad Education Officer, East Khasi Hills, U Rev. E. S. Pyngrope lem bad ki kmie ki kpa jong ki khynnah skul.(SP News)
