Shillong, Jylliew 22: Ka sorkar Meghalaya ka la thung ia ka Magisterial Inquiry ban tohkiat ia ka jingjia ha Tura bad la bthah ba ia kane ka jingtohkit dei ban pyndep hapoh ar taiew.
Na ka liang jong ka myntri kam poh iing jong ka jylla ka la khot kyrieh ia ka jingialang jong ki heh ka tnad kam poh iing ban ia kren bad ban peit ba kane ka jingjia kam nym ialam sha ka jingjia ba sngewsih. Ha kane ka jingalang la don lang ruh u myntri ba dei peit ia ka tnad ialehkai jong ka jylla.
Na ka liang jong ka sorkar ka la phah shuh ia ki pulit sha katei ka jaka ban teh la kam lada mih kano kano ka jingia kyndad bad ban khanglad ia ki riew sniew kiba kwah ban shim kabu ha kum kine ki jingjia. Ia kiba mynsaw la rah sha Guwahati ban phah sumar. La btah ia u Additional Director General jong ki pulit ba un leit hi sha Tura na ka bynta ban peit ba ka shongsuk shongsain kan wan.
Na ka liang jong ka District Adminstration ka la khot ia ka “ Peace Committee” ban ia kren ia kane ka jingjia bad ban wanrah ia ka jingshong suk ha katei ka jaka. Ha kane ka jingialang kaba la leit ban ia shimbynta da ki seng bhalang bad da kawei ka surok ki la pynrem ia ka jingjia bad ia ki briew kiba la shim kabu ban pynjulor ia ki kali bad ia ki dukan.
Ha kane ka jingjia saw ngut ki briew ki la mynsaw bad u wei u la iap, lai tylli ki kali ki shah thang bad kumba shiphew tylli ki dukan ki la shah pynjot. Na ka liang jong ka sorkar kala ai pulit ban iada ia ki kali kiba mih na Tura bad lada ki don kiba kwah ban mih na katei ka jaka.
Naka liang jong ka sorkar ka la wan ia ki lad ki lynti baroh kumno ban wanrah biang ia ka jingshong suk ha katei ka jaka. Na ka liang jong ka sorkar ka kyrpad ia baroh ki paidbah nongshong shnong ba kin long kiba jia jia ym dei ban shah ia lalam bakla ha ki hamsaia.(SP News)
