Shillong, Jylliew 23: Mynt ka sngi ha ka por noh phai sngi kawei ka kali Nano kaba don ia u number ML05H-0684 kaba mih na Mawryngkeng ban leit sha Puriang ynda poi ha Mawrisham kane ka kali kala kylla sha riat ha kaba u wei a ki nongshong ha kane ka kali ula khlad bad kiwei ki la mynsaw.
Une u ba khlad ha kane ka jingkylla kali la tip kyrteng kum u Bah Stephan Kharduit na ka shnong Mawmang, kiwei kiba la mynsaw ki long u Bah Chestarwell Marboh, u ba niah ia kane ka kali, u Bah Leader Marboh baroh ki dei na ka shnong Nongdawah Mawryngkneng. Ia kine kiba mynsaw la pynkit sha PHC Mawryngkneng.(SP News)
