Shillong, Naitung 08: U Dr Krishan Kant Paul mynta ka sngi u la bam samai kum u Lat ba khatlai jong ka jylla Meghalaya. Ia u la pynsmai da ka Chief Justice T. Meena Kumari jong ka Meghalaya High Court, ha Raj Bhavan Hall mynta ka sngi.
Ha kane ka sngi u myntri rangbah ka jylla u Dr Mukul Sangma bad ka kynhunmyntri jong u kil ia don lang ban sakhi ia kane ka sngi, U Speaker jong ka iing dorbar thawain ka jylla u AT Mandal ruh u la ia don lang lem bad kiwei ki MLA.
Na ka liang pyrshah ha ka iing dorbar thawain ka jylla la lam khmat da u Dr Donkupar Roy. Nalor kitei ki nongialam seng sain pyrthei la don ruh shibun ki heh sorkar jong ka jylla kiba la don lang ban sa khi ia kane ka sngi kaba khraw bad ban pdiang burom ia u Lat ba thymmai jong ka jylla.(SP News)
