Shillong, Nailar 03: Ka Joint Action Committee of All Meghalaya Teachers Association (JACAMTA) ha ka jingialang ka jong ki kaba la long mynta ka sngi ka la shim ia ka rai ban aipor artaiew sdang naduh ka 6th tarik mynta u bnai ia u myntri ka tnad pule puthi u Dr RC Laloo bay n khot ia kren bad ki halor ka jingdawa kaba ki la dep ban buh ha khmat ka sorkar.
Haba kren ha u SP News Agency u Bah ED Nongsiang Chairman jong ka seng u la ong ba ka seng kam lah shuh ban sngewthuh ba balei u myntri ka tnad pule jong ka sorkar ym kwah ban ia kynduh ia ka JACAMTA ban ia kren ia ki jingeh kaba ki ia kynduh.
Na ka daw jong ka jingbym treh jong u myntri ban ia kynduhia ki wad la ki la leit bun sien ba pan por na ruh kam sei soh ei ei, ka sengmynta kam ban se ban ai por ar sngi ia u myntri ba khot ia kren lem kumta kim ban se ban khot ia ki jingiakhih.
Ka jingdawa jong ka JACAMTA ka long ba ka sorkar ka dei ban shimti noh ia ki nonghikai ia ka jingtrei kam ka jong ki bad halor jong kane ki la leit ban ia kynduh ruh ia u myntri ka sorkar pdeng ba dei peit ia ka pule puthi ha ka Ri India.
Hynrei kaba phylla pat ka long ba ka sorkar ha ka jaka ba kan shimti ia ki nonghikai ka ong ba kan shimti ia ki skul lait noh ki skul ba la pyniaid da ki Balang, dei halor jong kane ka seng ka kwah ban ia kynduh ia u myntri hynrei na ka liang jong myntri u leh kum bym patiaw ia kaei kaba ki kwah ban pynpaw.
Namar ka jingbym treh ia kynduh jong u myntri na ka liang jong ka JACAMTA kam banse ban buh noh da ka por ia u myntri bay n khot ia ka jingiakynduh bad ki hapoh ka artaiew khien naduh ka 6 tarik mynta u bnai lada u myntri ym khot ia kren kim banse ban khot ia ki jingiakhih.(SP News)
