Shillong, Nailar 07: Ka tand Water Resources Department ka la shim khia kumno ban iai da ia ka shnong Balat na ka jingshah pyntwa ha ka ka um. Ban iada ia kane ka shnong la aiti ha ka company INFYCON company privatr Limited na Bangalore ba kan pynkhreh ia ka Detial Project Report.
Ka shnong Balat kaba don ha South West Khasi Hills ka dei kawei na ki shnong kiba don nam ha khappud bad ka Bangladesh hynrei ka wah Umngi man ka snem ka la pyntwa ia kane ka shnong naka daw jong ka jingshlei um. Kane ka jingtwa ka la pynlong ia ki ba bun na ki briew ki la hap ban phet na kane ka shnong kum sha Dangngar bad sha Laitumsaw.
Na ka liang jong MLA jong kane ka u Martin M Danggo u la shim khia bha ban leh ei ei na ka bynta kane ka shnong ban ia da na kane ka jingshah pyntwa man u snem ha ka jingshlei um bad ban peit ba ki briew na kane ka shnong kim dei ban kylla phetwir.
Ha kane ka jingshim khia ka jong u naka liang jong ki heh ka ministry jong ka Water Resources jong ka sorkar ki la liet hi da lade sha kane ka jaka ban jurip ia ka jingjulor kaba la ktah na kane ka wah ia katei ka shnong.
U Principal Secretary RM Minshra u la iathuh ha u SP News Agency ba kajingpynkhreh ia ka DPR na ka bynta katei ka Wah la aiti ha ka INFYCOn company Pvt Limited bad kan pyndep ia kane ka kam haba kut jong mynta u snem. Na kaliang jong ka department ynda ka la ioh ia ka DRP kan sa phah sha ka sorkar pdeng ban ai sanction ban ioh sdang trei iakane ka kam.(SP News)
