Ha khmat ka ophis DHS pynlong jingiakhih kiba la pass na DSC

Shillong, Nailar  08: Ki samla kiba la pass ia ka examin ka jong ki lyngba jong ka DSC East Khasi Hills mynta ka sngi ki la leit ban pynlong ia ka jingiakhih ha khmat ka ophis jong ka DHS ha Shillong ban pynpaw pyrshah ia ka jingleh khlem akor jong katei ka tand sorkar ban kyntait ban thungkam ia kito kiba la phah da ka DSC.

U Bah T Mylliempdah u wei na ki samla ba la pass ia kane ka examin u ba khlam pat ioh kamhaduh mynta u la ong ba ka jingpyrshah jong ki ia kane ka tnad sorkar ka long ba ka la kyntait ban thung ia ki briew kiba la phah da ka DSC ha ka jaka ba kan thung ia ki ka pynskehm syndon ia kiba la shut hung shipor.

U Bah Mylliempdah  u la ong ba baroh kit and sorkar shi sien ba la phah ka DSC ki pidang  hynrei dei tang ka DHS kaba la leh khlem akor ban kyntait ia ki samla kiba la shah thung kam ha kane ka ophis sorkar ia kaba la phah da ka DSC.

La ong ba katkum ka RTI ka long ba ki kam kiba lait ki long 49 tylli bad ka DSC haba ka la phah ia ki kyrteng jong ki samla kiba la pass ka tei ka ophis ka la kyntait. Na ka liang jong ki kin ia khih ia kane ka jingleh jong kane ka tnand sorkar.

Na ka liang jong ka sorkar ka la pynjlan ia kane ka jingtrei kam jong ka DSC sa hynriew bnai bad kata kan nut ha u Risaw mynta u snem bad ha ka jingiakren ka long ba ki kwah ba ka sorkar ka dei ban thung kam ia baroh kiba la pass na ka DSC. Kiba sah mynta ki long sa tang 145 ngut.(SP News)