Shillong, Nailar 19: U Sub-Divisional Officer (C) Sohra, u Bah C.V.D. Diengdoh u la plie ia ka shnat trei kam jong ka Meghalaya Rural Bank (MRB), ha Saitsohpen Branch ha ka shnong Mawpun- kyrtiang, Sohra .
Ka MRB ka dei ka bank kaba la kyrshan da ka sorkar pdeng bad ka sorkar Meghalaya bad kane ka dei ka shnat kaba 76 tylli haka jylla bad ha ka juh ka por ka dei kaba 56 ha ki nongkyndong.
Ha ka jingkren jong u Bah C V D Diengdoh u la ai ka jingiaroh ia ki nongtrei jong kane ka Bank bad ki la lah ban pyniar ia ka shnat trei kam jong ka ha kane ka shnong Sohra. U la ong ba da ka jingdon jong kane ka bank kan iarap ia ki briew ba kin kiew ha ka ioh ka kot ka jong ki.
Ha ka juh ka por na ka liang jong u SDO u khot u were ia ki paidbah ba kin pyndon kam ia kane ka Bank da kaba shim ram na ka ban kyntiew ia ka ioh ka kot ka jong ki bad ha ka juh ka por ba kin kynshew kyndiat ia ka pisa ka jong ki na ka bynta ka jingmyntoi ka jong ha ki sngi ki ban wan.
Kiwei kiba la kren ha kane ka sngi ki long u Syiem jong ka Hima Sohra u pa,im F Syiem, U Chairman jong ka Bank u MukulCh. Jeishi, lem bad kiwei kiwei ki briew jong ka MRB.(SP News)
