Shillong, Nailar 22: Ka Shillong Cherry Blossom Festival 2021 kala ioh ia ka khusnam na ka WOW Awards Asia 2022, kane ka khusnam kaba la ioh ka dei na ka jingjop jong ka tamasa bad ka jingioh ia ka khusnam ka long ha ki lai bynta ia kane ka khusnam la ai ha Mumbai mytna u bnai.
Kane ka khusnam ka WOW Awards ka dei ka khusnam kaba la paw bha ha ka pyrthei, kaba tyllum sawdong ha kaba ia dei bad ki kam karkhana ha dewbah Asia bad ka pdeng jong ka Middle East, kane ka khusnam ka long ka jingsdang jong ka jingiatreilang ka EEMA bad ka KPMIndia kum ka jingaibuid bad ban kyntiew bad ki nongbishar ki dei ki briew kiba paw ha ki kam karkhna na kylleng ka pyrthei.
Ki lai tylli ki khusnam kiba la ioh ki long ha ki lai bynta ha ka “ Festival of the Year-Art, Culture, Lifestyle” ha kane ka kyrdan la ioh da ka takma ksiar, ia ka “Best Tourism Event” ha kane ka bynta ruh la ioh ia ka Takma ksiar bad haka “Concert of the year” ha kane ka bynta la ioh ia ka tkma rupa.
Ia ka tamasa Shillong Cherry Blossom Festival 2021 la pynlong da ka tnad shang suwari ka ‘ ka Meghalaya Tourism bad ia ka jingpyniaid ia ka tamasa la leh da ka Rockski EMG. Kane ka jingjop ka burom ka leit sha baroh kito kiba la ia donbynta ha kane ka jingpynlong ia katei ka tamasa.
