Tura, Nailur 22: Ha dien ar sngi ba la pynbna paidbah da u president jong ka GNC u Clifort R Marak ban pynlong ia ka jingshah thgnan kaba khlem buh por lada ka sorkar kam pynlait ia ki 25 ngut ki ddkhot jong ka GHSMC ha lane shuwa ka 25 tarik mynta u bnai.
Na ka liang jong kiba ha iing ha sem jong kiba shah kem ki la ia kynduh lang bad ki la shim ia ka rai ban ia khih haduh ban pynlait ia ki khlem da don kano kano ka jingteh kyndon. Baroh ki la kynnoh ba kane ka dei ka jingleh jong u Deputy Commissioner jong ka West Garo Hills.
Na ka liang jong kiba ha iing ki pan ia ki video clipping ban pynshisha ia ka jingkynnoh. Kine kiba ha iing ka sem kiba la ia kynduh lang ki shim ia ka rai ban kin dang ia pyrkhat kumno ban leh na ka bynta ban pynlait ia kiba la shah kem khlem da don kano kano ka jingteh kyndon.
Katba na kaliang jong u Deputy Commissioner jong ka West Garo Hills u la ong ba mynta ki la don ha ka kti jong ka iing bishar ka shnong ha ka iing bisahr ban leh ia kaba don kam. Kine ki dei kiba la shah kem ha ka 11 tarik mynta su bnai.
Na ka liang jong ki seng bhalang pat ha Garo Hills ki ong ba haduh mynta kam pat don kano kano ka jingkynjoh ktien na ka liang jong kiba ha iing ha sem na ka bynta ban dawa nasm pynlait noh ia kiba shah kem khlem kano kano ka jingteh kyndon.
Ka GNC mynta ka la pdiang ba kine ki 25 ngut kiba sha kem ki dei ki dkhot jong ka GHSMC bad u President jong ka seng u la shim ia ka rai ban pynlong da ka jingshah thngan kaba khlem buh por lada ka sorkar kam pynlait ia kine ki 25 ngut halane shuwa ka 25 tarik mynta u bnai.(SP News)
