Baghmara, Nailur 28: Ka District Congress Committee (DCC), jong ka South Garo Hills kaba la shah rem kput ha kane ka election MLA kaba la dep mynta kin sa pynim biang ia ka seng ha dien ka jingkular jong u myntri rangbah ka jylla la ong u DCC president u Suraj R Marak, u ba la shimti ia kane ka kam ban pynthymmai ia ka seng.
Ka South Garo Hills ka don lai tylli ki Assembly Constituency, ka Rongara, Chokpot bad Baghmara. Na ka liang jong u marak u la ong ba kajingrem jong ka seng Congress ha kane ka election kaba la dep ka long ba bun na ki nongkyrshan jong ka seng ki la phet noh shuwa ba kan poi ka sngi thep vote.
La ong ba kane ka jingpynthymmai ia ka party ha katei ka District ka long ruh kum ka jingpynkhreh ia ka election MDC ka ban wan ha u snem ban wan. La ong ba ha kane ka jingialam jong u Dr Mukul Sangma ia ka sorkar kan long ka jingkyrkhu ia ki paidbah ba kin phai biang sha ka Congress.
N aka liang jong ka DCC ka pdiang ba ka jingrem jong ka seng Congress ha kitei ki jaka ka long ba ka duna ka jingpyntip paidbah ia ki skhim jong ka sorkar kaba ka leh na ka bynta jong ki. Bun na ki shnong kim tei kaei kaba ka sorkar ka don na ka bynta bynta jong ki.(SP News)
