Shillong, Risaw 05: Ki pulit jong ka nongbah Shillong mynta ka sngi kila leit ban ap ia u bah Anthony Kharlukhi ha phyllaw jong ka iing mane katholik kaba don ha Nongshiliang ban kem ia u hynrei kim shym la ioh satia namar u la laitphet.
Kiba iohi ia kane ka jingjia haba kren ha u SP News Agency ki la iathuh ba ki pulit ki la bat ia u bah Anthony ha ka por ba u la poi ha jingkieng Nongthymmai hynrei na ka daw ba u la ong ba un leit sha ka jingiathoh na ka liang ki pulit kila but ia u bad ap haduh ban da dep.
Mar ia dep ka jingleh niam leh rukom ki pulit jong ka nongbah Shillong ki la wad ia u ban kem hynrei kim shym lap shuh hapoh iing mane kane ka jingjah ryngai ka jong u kala pynshah iong ia ki pulit.
U SP City haba iathuh ha u SP News Agency u la ong ba kane ka jingleit ban kem ia u u Bah Anthony ki pulit kila ap ha katei ka jaka hynrei ha dien ba ki la wad ia u ha dien ba la wan ka jingiaseng kim shym lap shuh.
ka jingkwah ban kem ia u Bah Kharlukhi ka long halor ka jingkynnoh ba u la kren pynshit ia ki paidbah ha ka jingiakhih jong ki seng kynthei kaba la long ha Madan student dangshen bad na katei ka jingkren ka jong u ka la muh ka huri hura ha Motphran.(SP News)
