Tura, Risaw 09: Ka election MP sha Lok Sabha ka la jan bad ka jingiakhih ki kyrtong kiba kwah ban ia airing ki la sdang ban khih bad u Richard M Marak u general secretary jong ka Indian Youth Congress u la don ha Shillong ban ia kren bad ki nongialam seng Congress ba kin ai tiket ia u na ka bynta ka Tura parliamentary MP Constituency.
U Marak u long u ba dang thymmai ha ka sian pyrthei bad ym pat long MLA ne MDC hynrei ka jingkwah jong u ka long ba u don ka jingthmu ai ka jingshakri ia ki paidbah jong ka Ri Lum Garo lada un shah jied ha kane ka election kaban sa long ha u snem 2014 kum u MP jong katei ka jaka.
U Marak u dei na ka shnong Purakhasia na South West Garo Hills, u la ong ba mynta u don ha Shillong ban ia kren ia ki nongialam jong ka seng ban pan ka jingkyrshan na ki ba kin ai tiket na ka seng Congress ban ia khun pyrshah ia u PA Sangma na Tura.
Kumba ka long ka Tura ka long kaba paw bha ha ka sain pyrthei namar ia kane ka jaka la mih khmat da u PA Sangma mynta la bun bun snem hynrei kane ka jaka kam shym la don kano kano ka roi ka par kumba ki briew ki pyrkhat. U la ong ba ha ka 15 tarik mynta u bnai un ai da ka jingthoh ban pan tiket.(SP News)
