Shillong, Risaw 11: Mynta ka sngi ki briew kiba ym lah ban ithuh ki la kawang da ki petrol bom ia ka puja Pandal kaba don ha Umsning, hynrei namar ba kim shym lah ban poi sha ka jaka kaba la buh la lait na kano kano ka jingmynsaw.
U Superintendent jong ki pulit jong ka Ri Bhoi District u la iathuh ha u SP News Agency ba ka la don ka jingkawang Petrol Bomb hynrei ka jingkawang kam shym la poi sha ka Pandal kumba ki thmu bad kane ka la pynlait na kano kano ka jingjia ba sngewsih.
Na ka liang jong u SP u la ong shuh shuh ba mynta la kham pynjur shuh shuh ia ki jingpahara ha baroh 15 tylli ki jaka ba don ki puja pandal hapoh jong ka Ri Bhoi District baroh kawei.
Na ka liang jong ki pulit mynta ki dang thwet ia kito ki briew kiba la leh ia kane ka kam rumar na ka liang jong ki pulit ki la ong ba kin nym aili ia ki bad la ngeit skhem ba ynsa ioh ban kem ia kine ki nonglaeh kam sniew.(SP News)
