Shillong, Nailur 14: Mynta ka Sngi ka 14/Nailur/2026 ka Jaiñtia National Council Central Executive Committee haka jingleit bud dien ka Jong ka ha kaba iadei bad ka Shree Cement halor ka project ha u lum Syrman, mynta ka Sngi ka la leit ban aiti iaka dorkhas sha ki ar tylli ki tnad treikam sorkar kata shaka State level Expert Appraisal Committee SEAC bad shaka State Environment Impact Assessment Authority SEIAA ban dawa pynsangeh syndon iaki kam ka Shree Cement katba ka status quo ka dang iaid.
U President Rangbah ka JNC haba kren sha ki lad pathai khubor ula ong ba ka seng ka sngew lyngngoh ban iohi iaka jingtreikam ki tnad sorkar halor ki kam ka Shree cement wat hadien ba ka sorkar kala pynbna iaka Status Quo bad kumjuh hapdeng ka jingiaid shakhmat Jong kata ka fact finding committee bala thung ka sorkar jylla kumba kala pynbna.
Halor kane ka seng kala ioh ruh ban iakynduh Markhmat bad u chairman ka SEIAA u Annamalai bad haka jingiakren bad u ula kren shai ba ka committee hi kam shym lah leh ne iaid ia kino kino ki kam hadien bala pynbna iaka Status Quo, bad ula Ong ruh ba naka Liang ka tnad Committee haba don ba ai kino kino ki jingthoh ne jingtyrwa kum iaki kam ka Shree cement ka dei hi ban pdiang hynrei ban iaid shakhmat pat iaka kam kum ban pynioh iaka ta ka Environmental Clearance ka tnad hi kan nym iaid shakhmat katba kane ka status quo ka dang iaid.
Halor kane ka jingkren Jong u Annamalai Ka seng ka sngewlyngngoh pat ba ha kato ka Sngi ba iakynduh bad u joint secretary ka Chief Minister Secretariat uba iathuh iaka seng ba ka status quo ka trei tang naka bynta ka ground work ym iaka paper work katba u chairman ka SEIAA uba long ruh u dkhot ka SEAC u ong pat ba ngim shym iaid satia ia kino kino ki kam kynthup ka paperwork katba ka status quo bad ka fact finding committee ka dang iaid.
Te halor kane ka seng kala ong ba ka sorkar ka dei ban pynshai Paidbah bad ban pynbna shi syndon daka notification halor kine kiei kiei baroh, khnang ba ki paid ka bri u hynñiewtrep khamtam ki Paidbah ka East Jaiñtia Hills District kin ioh ka jingshai kaba biang.
