Shillong, Jymmang 27: Mynta ka sngi 27/Jymmang/2026 u Deputy Commissioner ka Ri Bhoi District u Abhilash Baranwal IAS u la pynioh ia ka dukan Cyber ia u samla Pearing pale 33 snem na ka shnong Umpohwin bala pass ia ka eksam SSLC wat la u don ha pdeng ka jingduna ha ka dkhot met.
Mynta ka sngi ka dei ka sngi ba sah jingkynmaw shyrta ia u bah Pearing ha kaba ka Office jong u Deputy Commissioner ka District Ri Bhoi u la aiti kawei ka dukan Cyber kaba don ha pyllaw jong ka Office jong u Deputy Commissioner.
Ha kaba ia kane ka ophis la pynshna sngewbha napoh ka ophis jong u Deputy Commissioner ka District Ri Bhoi bad la ai ryngkat bad ki kor computer ban Print bad ban xerox iaki kot.
Ha kane ka sngi khraw jong u bah Pearing la ia donlang naduh ka Deputy Commissioner ka ADC ka kong Balakyntiew Rani ka MDC jong ka Nongpoh Constituency ka Kong Rona Khymdeit ki Magistor napoh ka office jong u DC lem bad ki bahaing hasem jong u bah Pearing.
U bah Pearing u la iathuh ba nyngkong u la wan buh da ka shithi sha u Raja Brahma u ba dei u ADC ban pynsngew sha u halor ka jing pyndep ka jong u ia ka Computer Class bad u kwah ban seng ia ka dukan Cyber hangne ha ophis jong u Deputy Commissioner ka District.
Naka liang u Raja Brahma u la ai ia kata ka shithi jong u bah Pearing sha u DC bad na ka liang u DC u la phah ia ka ADC jong ka District ka Kong Balakyntiew Rani ba kan pynbit pynbiang ia ki jingdonkam bad ban pynioh ia ka dukan bad u angnud ban trei shitom bad u pynpaw ia ka jingsngewnguh ia u DC bad ia baroh ki ophisar kiba la pynioh ia kane ka dukan.
