Shillong, Rymphang 18: Ka jinghikai ban thing ia u “Cashew” la pynlong ha SWGH District ia kaba la pynlo
ng ha Ampati, ia kane ka jinghilai la pynlong da ka Multi Technology Testing Centre & Vocational Training Centre, College of Community Science, CAU, Imphal, ia kaba la kyrshan daka ICAR.
Ha kane ka jinghikai kila don kumba 50 ngut ki nongrep kiba thung ia u Cashew kila wan ban ia shim bynta na ki block bapher bapher jong ka District ka SWGH District kane ka jinghikai ka long ban pynkhlian shuh ia ka rep Cashew.
Ha kane ka sngi ki stad kiba peit ia kane kakam rep kiba la wan ban hiki ki long u Dr. T.N. Ravi Prasad, Principal Scientist, Puttur, bad Dr. Jyoti V. Vastrad, Dean jong ka College of Community Science, Tura ha ka jingiadon lang Deputy Commissioner Hema Nayak.
Kane ka jinghikai ka long ban pynsngewthuh ia ki nongrep ba kumno ki hap ban leh ha kaba ia dei bad ka rukom rep ia u ne u jingthung Cashew bala lah ban kyntiew ia ka ioh ka jot jong ki nongrep namar u long bha ha kitei ki jaka.
Ha kane ka jinghikai la pynlait paidbah ruh ia ka kot kaba batai bniah ha kaba ia dei bad kane ka kam rep da kaba pyndon kam ia ki jingjuk stad kiba mynta ha kane ka sngi la sam ruh ia ki symbai sha ki nongrep kiba la wan ban ia shim bynta kumno ban pynbha ia kane ka rukom rep bad kin ioh jingmyntoi.
