Shillong, Iaiong 8: Ka Khun Hynniewtrep National Awakening Movement (KHNAM) mynta ka sngi kala leit ban ia kynduh ia u Chief Executive Member ka KHADC u Bah Shemborlang Rynjah ban aiti ia ka dorkhas halor ki lai tylli ki mat jingdawa jong ka seng hapoh ka jingialam u Bah Thomas Passah.
Katkum ka dorkhas jong ka KHNAM ba la aiti sha u CEM ka KHADC kila buh ka jingkyrpad ban pynkylla noh ia ka AD Rule 128 jong ka “Assam and Meghalaya Autonomous District (constitution of district council) rules 1951”
Ka mat kaba ar ba ka KHNAM kala rah kadei halor ka jingtreikam kum ki rangbah shnong khlem ka jingpyn skhem da ka hima mylliem ha ki shong ba hap ha ka them raid marwet.
Sa kawei pat ka mat jingdawa kadei halor ka trading by non-tribal regulation 1954, da kaba kdew ba kane ka khaii ka pateng kadei kawei na ki subjek kiba la iakren la bun bun tylli ki snem da ki ba bun tylli ki seng.
Ka paw ba kiba bun ki party ki ba la bat ia u lakam synshar ha ka KHADC ki khlem lah ban pyntreikam hok ia kane ka ain na ka bynta ban iada ia ka khaii ka pateng jong U Trai Ri Trai Muluk.
