Shillong, Naiwieng 22: Ka Khasi Students’ Union Nongkrem Circle ka la ai Khublei kyrpang ia ki khun ki Hajar ka H
ima Khyrim bad ia baroh ki khun ka Bri U Hynniewtrep na bynta ka jing leh niam ba shisien ba shi snem jong ka Hima Khyrim ban ai nguh ia u Blei nongbuh nongthaw kaba la ju tip da baroh kum ka Shad Pomblang ne ka Shad Nongkrem kaba ju long ha Madan Ïing Syiem Sad ha Smit haka 24tarik bad 25 tarik u Naiwieng.
Na ka liang jong ka KSU ka ong ba ym lah ban len ba mynta ka kynti ki khun ki hajar kin ym ioh lad ban sakhi paidbah ia kane ka jingleh niam ba shongkun da u Tymmen u San ne wat ki Rang Kynsai bad ki Thei Nylla ban ioh ia shim bynta shit rhem ha ka Shad ka kmen namar ka jing shah pynthut noh ha une u Khlam Covid-19.
Na ka liang jong ka Seng ka Kyrmen skhem ba kane ka jingleh Ñiam katkum ka Riti ka Dustur u Mynba rim kan pyn i sha ka Pyrthei ba ka Jaitbynriew jongngi ka dei ka Jaitbynriew kaba im bad kaba lah ban bud beit bud ryntih kumba ki myn ku-long ku-mah ki lah ieh dak ha kiba mynta.
ka KSU Nongkrem ka kitbok kit wriang ba kane ka Shad pomblang ha ryngkat ka Lehniam leh rukom kan wallam ia ngi baroh i wei pa i wei ia ka met ba koit ba khiah krat,ban ia bit ia biang ha baroh ki liang naduh ka spah Mynsiem bad spah pyrthei ruh kumjuh, la ong u samla Kheiñkor kharrngi President KSU Nongkrem Circle ha ka kyrwoh.
