Shillong, Kyllalyngkot 23: Mynta ka sngi u bah Shibun Lyngdoh u la aiti ia ka kam president jong ka BJP Meghalaya state Unit sha u bah Ernest Marwei u ba la shah jied dang kum u president ba thymmai.
Ia kane ka jingaiti ia ka kam president la pynlong hapoh jong ka ophis jong ka party BJP mynta ka sngi ha Shillong ha ka jingiadon lang ki nongkit kam jong ka party ban sakhi lang ia kane ka jingaiti ia ka kam president sha u president ba thymmai.
U bah Ernest Mawrie naduh mynta u ka sngi u la shimti ia ka kam kum u president ba pura jong ka party BJP ha kane ka jylla Meghalaya. Ka por trei kam jong u bah Ernest kum u president ka BJP kan long lai snem.
