Shillong, Nailur 10: Mynta ka sngi ka Hi
lls Framers Union (HFU) kala pynlong ia ka jingiakhih jong ka da kaba iaid paidbah na khat dur mot Kiangnangbah jan Civil Hospital sha madan Malki kum ka dak ban pynpaw ia ka jingeh kaba ki nongrep ha kane ka jylla Meghalaya ki ia kynduh.
Ha kane ka jingiaid paidbah ki nongrep kila wamlam lang ruh ia ki sniang ba pynpaw sha ka sorkar ba ka jingiap khlam ki sniang ha kane ka jylla kala jubor, ka jinghiar dor ki jhur ki jhep bad kane kala ktah ia ki nongrep kiba pyndap ia ka iing ka sem da ka rep ka riang.
Ha ka jingkren u general secretary ka seng u bah Alphons Kharsyntiew u la ong ba kala don kata ka jingiasiew pisa ha kaba wan rah ia ki sniang na Shabar ka jylla sha Meghalaya ha Byrnihat,la kynnoh ba kam shym don katta ka jingpeit ia ki sniang la ki long kiba koit kiba khiah ne em.
U wei na ki nongkit kam ka seng ki nongrep la ong ba kila thaw ia kawei ka seng kaba la tip kum ka “Federation of Piggery Farmers of Meghalaya” bad ia kane kila plie ia ka shnat treikam jong ki ruh sha Garo Hills Tura bad la seng ia ki shnat treikam ha kylleng.
Ka jingkylli kaba ki nongri sniang khamtam ki Society kiba shim ram na ka sorkar ban ri sniang lyngba ka “Piggery Mission” haba la iap lut ki sniang kin siew ram da kaei, kum ka kynhuh kila ia kynduh ia u myntri sorkar bah Sanbor Shullai bad kiwei ki MLA ba kin ia kren ia kane hynrei kam shymdon kano kano ka jingiakren ia ki nongrep.
Kum ki nongrep ki kwah ban iohi ba kan don noh ia ka Polisi treikam ha kaba ia dei bad ka rep ka riang, la kynnoh ha haduh mynta kam pat don kum katta ka polisi, lada ka sorkar kam leh ei ei ka seng HFU kan leit tur sha secreatariat da kaba ruh ia ki shniang. Ha kane ka sngi kiba la wan ban ia shim bynta kane ka jingiaid paidbah kiba bun dei na rilum khasi.
