Shillong,Jylliew 04: Hadien ka jingialang jong ka North Eastern Council u myntri kam pohiing ka sorkar pdeng u la ia kynduh ia ki seng bhalang bapher bapher ban sngap ia ki jing pynsngew kaba ki ki don bad ha kane ka jingiakynduh kila ai ia ka dorkhas katkum ka jingdawa ka jong ki.
U myntri rangbah ka jylla u Conrad K.Sangma u la iathuh ba ka Khasi Author Society hapoh ka jingialam u president u Dr. D.R.L. Nonglait ha ka jingiadon lang kiwei ki dkhot ka seng bad ha kane ka jingiakynduh kila ai ia ka dorkhas ban pynrung ia ka ktien khasi ha ka khyrngit kaba phra.
Haba iadei bad kane ka jingdawa u myntri kam pohiing ka sorkar pdeng u la ong ba ka jingdawa ban pynrung ia ki ktien bapher bapher ki long palat spah tylli bad na ka liang u myntri ka tnad kam poh iing ka sorkar pdeng u la ong ba ka sorkar pdeng kan sa thaw ia ka kommiti ban peit halor kine ki jingdawa bad ka ktien Khasi bad ka ktien Garo ruh kala don ha katei ka thup bad kiwei pat ki ktien.
Namar ka jinglyngkot ka por na ka liang ka Achik Literally Society la mih khmat da u wei na ki nongialam ba rangbah bad ha ka kyrteng jong ka society u la ai ia ka dorkhas ha u myntri kam poh iing halor ka jingdawa ban pynrung ia ka ktien Garo ha ka khyrngit kaba phra.
Kawei pat ka kynhun kaba la ia kynduh ia u myntri kam poh iing ka dei ka NEICC ha kaba ki dkhot na ki balang bapher bapher bad ha akne ka jingiakynduh ki nongialam niam kila kyntu ia u myntri kam poh iing ban bishar bniah ia ka jingthmu ban pyn kylla ia ka ain Foreign Contribution Regulation Act namar kum ki khristan ki don ka jingsngew khia haba iadei bad kane ka ain bad u myntri kam poh iing u la bthah ba kin pynkhreh ia ka dorkas kaba bniah kawei pa kawei ka kyndon bad ba kin ia kynduh bad u ha nongbah Delhi ban ia kren kaei ka bynta kaba ki don kaba sngewkhia kum ki balang bad u la bthah ia u myntri rangbah ka jylla ban ialam ia kane ka kynhun.
